anu lasciatu

anu chjosu e scole u vechju campanile
a nepita he crisciuta a cantu a u casgile
anu lasciatu un fiore
pe u mese d´aprile

anu chjosu e case quand´elli so partuti
ma u sole he vultatu mezu a i caracuti
so firmati l´amori
in li paesi muti

abbandunate l´orte e i prati a vaccheghju
ci corre una funtana e canta a trimuleghju
so firmati i strazi
à cantu a u cunceghju

ci he un purtone apertu di castagnu tarlatu
è nantu a u scalellu trentanove stampatu
anu lasciatu l´ore
di u tempu passatu

da sottu a una croce truvarete una scritta
i nomi so zuccati nantu a una petra arritta
anu lasciatu un pientu
una lacrima zitta

nantu a un muraglione anu postu in turchinu
corsica nazione di pettu a lu destinu
anu lasciatu un passu
à mezu a lu caminu
anu lasciatu un passu
cum´e un ultimu fiatu
anu lasciatu un passu
u sole era chjinatu
anu lasciatu un passu
chi un n´he ancu vultatu...